Tölvuský Nýherja - af hverju?

Tölvuský Nýherja byggir á vél- og hugbúnaði frá leiðandi birgjum ásamt framúrskarandi þekkingu og reynslu Nýherja á rekstri slíkra kerfa.

Nýherji, IBM og VMware

Netþjónar og diskakerfi frá IBM, einu stærsta tæknifyrirtæki heims, ásamt hugbúnaði frá VMware eru undirstöður Tölvuskýs Nýherja. Þekking Nýherja og traust samband við þessa lykilbirgja tryggja öruggan og áreiðanlegan rekstur og aðgang að fremstu sérfræðingum þegar á þarf að halda.

Ekki læsast inni

Það á að vera auðvelt að hefja viðskipti í tölvuskýjum. En við erum sannfærð um að það eigi ekki að vera síður auðvelt að hætta í viðskiptum. Þá kemur sér vel að Tölvuský Nýherja byggir á langútbreiddasta sýndarvæðingarhugbúnaði sem völ er á, VMware. Það þýðir að þú getur flutt netþjóna þína úr Tölvuskýi Nýherja yfir í önnur VMware umhverfi, hvort sem það er hjá öðrum þjónustuaðila eða í þínu eigin VMware umhverfi.

Hafðu samband við ráðgjafa Nýherja í 569-7720 til að heyra hvernig við getum sniðið réttu lausnina að þínum þörfum.