Myndir af viðburðum

 

Framtíðin í 360 gráðum

Sýndarveruleika gleraugun okkar slógu sannarlega í gegn hjá krökkunum á heimilissýningunni Amazing Home Show í Laugardalshöllinni. Við sýndum einnig hljóð- og myndgræjur frá Bose og Sony sem ætti að vera staðalbúnaður á hverju heimili.

 

Þarna voru allir í skýjunum

Margir af helstu UT snillingum Nýherja létu sig ekki vanta á sýndarvæðingarmessu VMware (Vmware Solutions Summit) í Hörpu. Það fór vel á því að kynna til leiks Aurora Cloud því sýndarvæðing útstöðva (e. Desktop Virtulization) er dæmi um „skýþjónustu" sem tryggir allt að 50% hagræðingu í rekstri útstöðva.

 

Ofur aðdráttarlinsur og fuglaglens

Magnaðar ofur aðdráttarlinsur frá Canon Europe voru sýndar á Fuglakvöldi Nýherja og Fuglavernd. Þá sögðu nokkrir af bestu fuglaljósmyndurum landsins sögur á bak við myndirnar sínar.

 

Port9 sýndarvætt

Sýndarvæðing neta er eitt heitasta umræðuefnið í heimi netkerfa. Það fór vel á því að kryfja málefnið til mergjar á hinum litla og vinalega Port9 á Veghúsastíg. Til að fjalla um knýjandi breytingar í netkerfum fengum við Rasmus Holtet Rüsz og Brian Hestehave frá VMware ogLárus Hjartarson, VMware sérfræðingur hjá Nýherja.

 

Fremst í flokki með Canon

Verðlaun Blaðaljósmyndarafélags Íslands voru veitt 4. mars sl. Heiða Helgadóttir, sjálfstætt starfandi blaðaljósmyndari, vann fern verðlaun af átta, fyrir mynd ársins, fréttamynd ársins, myndröð ársins og daglegt líf mynd ársins. Kristinn Magnússon fékk verðlaun fyrir bestu portrett mynd ársins af Guðna Th. Jóhannessyni áður en hann varð forseti Íslands. Kristinn hóf störf sem ljósmyndari hjá Morgunblaðinu í febrúar síðastliðnum. Vilhelm Gunnarsson, ljósmyndari á Fréttablaðinu, hlaut verðlaun fyrir bestu umhverfismynd ársins og íþróttamynd ársins. Þá hlaut Rut Sigurðardóttir verðlaun fyrir tímaritamynd ársins.

 

Kósý stemmari í hljóð- og myndlausnum

Landslið sérfræðinga frá NEC í myndbúnaði, Yamaha í hljóði og Crestron í stjórnbúnaði fóru vítt og breitt um helstu nýjungar á þessu sviði, í heimilislegri stemmningu á Vox Home á Hilton. Um er að byltingarkenndar lausnir sem mynda eina öfluga heild í hljóð- og myndlausnum fyrir fyrirtæki af öllum stærðum og gerðum.