20.02.12

Jafnt kynjahlutfall í stjórn Nýherja

Helga Árnadóttir, framkvæmdastjóri Verslunarmannafélags Reykjavíkur, var kjörin nýr varamaður í stjórn Nýherja á aðalfundi félagsins.

Helga er þriðja konan sem kemur að stjórnarsetu hjá Nýherja. Hildur Dungal, lögfræðingur, og Marta Kristín Lárusdóttir, lektur við tölvunarfræðideild Háskólans í Reykjavík, sitja í aðalstjórn félagsins ásamt Árna Vilhjálmssyni, Benedikt Jóhannessyni, framkvæmdastjóra Talnakönnunar, og Guðmundur Jóh. Jónssyni, framkvæmdastjóra Varðar. Aðalastjórn Nýherja var sjálfkjörin á aðalfundi félagsins, sem fram fór á föstudag.

Benedikt Jóhannesson formaður stjórnar Nýherja sagði í ræðu sinni á aðalfundinum að í þetta sinn hefðu þrír karlmenn og þrjár konur verið í framboði til stjórnar og varamanns í stjórn. Hann sagði að nú væri hlutur kynjanna jafn og það væri skemmtileg tilviljun, því að sjálfsögðu væru stjórnarmenn valdir eftir þekkingu, reynslu og hæfileikum.

MYND: Guðmundur Jóh. Jónsson, Helga Árnadóttir, Benedikt Jóhannesson, Marta Kristín Lárusdóttir og Árni Vilhjálmsson. Á myndina vantar Hildi Dungal.

Stjórn Nýherja - Aðalfundur 2012

<< Til baka

Fyrirspurn