Námskeið

Óvissuferð með Canon

Laugardaginn 14. október nk. standa Nýherji og Canon fyrir ljósmyndaferð þar sem við höldum út í óvissuna. Við ætlum reyndar ekkert í óvssuna heldur erum við búin að skipuleggja heils dags ljósmyndaferð með öllu tilheyrandi og meira til!

Með í förum verður ljósmyndarinn Arnaldur Halldórsson og Tryggvi Már Gunnarsson, ljósmyndaleiðsögumaður, sem mun annast skipulagningu. 

Að sjálfsögðu verða svo nokkrar ferðatöskur af Canon ljósmyndabúnaði frá Canon Professional Service sem græjuþyrstir geta prófað og leikið sér með.

Mæting er í Nýherja, Borgartúni 37, kl. 08.30 stundvíslega og gert er ráð fyrir að hópurinn skili sér þangað aftur um kl. 23.30. 

Aðeins 25 sæti eru í boði. Þátttökugjald er 7.900 kr. og innifalið í því er morgunmatur, hádegismatur, kvöldverður, rúta og önnur almenn gleði. Gjald þarf að greiða við skráningu. 

Það sem þú þarft að taka með þér er: 

  • Canon ljósmyndabúnaðinn þinn (jább, þetta er Canon ljósmyndaferð)
  • Tóm minniskort og hlaðnar rafhlöður!
  • Íslenski ljósmyndafatnaðurinn þinn (jább, það er ALLRA veðra von)
  • Eins og mamma segir alltaf, mundu eftir gönguskónum og húfunni! 

Það sem þú þarft ekki að taka með þér: 

  • Matur (Nýherji skaffar morgunmat, hádegismat og kvöldverð. Láttu okkur vita ef þú ert með bráðaofnæmi fyrir einhverjum mat. 25 ljósmyndarar hafa ekki tíma til að skjótast með á einhvern spítala).
  • Bifreið (Okkur er alveg sama hvernig þú kemur þér í Nýherja, Borgartúni 37, við útvegum notalegt sæti allan daginn og skilum þér til baka í Borgartúnið um kvöldið).

Hljómar þetta ekki alveg geggjað? Skráðu þig hér til að koma með okkur! Skráningu lýkur miðvikudaginn 4. október.

Mynd: Óskar Páll Elfarsson