Efri röð frá vinstri: Loftur Bjarni Gíslason, Finnur Oddsson (forstjóri) Hjalti Þórarinsson og Hildur Dungal.

Neðri röð frá vinstri: Emelía Þórðardóttir, Ívar Kristjánsson og Guðmundur Jóhann Jónsson.

Ívar Kristjánsson

Ívar Kristjánsson, formaður stjórnar, tók sæti í stjórn Nýherja í mars 2016. Hann er framkvæmdastjóri ATMO Select ehf., formaður stjórnar í Angling iQ og formaður stjórnar í 1939 Games ehf. Ívar stundaði nám í viðskiptafræði við HÍ og hefur lokið MBA gráðu frá HR. Hann er einn af stofnendum CCP hf. og var framkvæmdastjóri CCP þegar EVE-Online kom út árið 2003, en var lengst af fjármálastjóri CCP. 

Emilía Þórðardóttir

Emilía Þórðardóttir kom í stjórn Nýherja í mars 2016. Hún er verkefnastjóri - Mgr. Project II RA Filings Actavis. Hún hefur setið í stjórnum nokkurra annarra fyrirtækja.  Emilía  er viðskiptafræðingur frá Háskóla Íslands, B.S. nám í viðskiptafræði - stjórnun og markaðsfræði.

Hildur Dungal

Hildur Dungal tók sæti í aðalstjórn Nýherja í febrúar árið 2011. Hún útskrifaðist með embættispróf í lögfræði frá Háskóla Íslands.

Hildur er lögfræðingur hjá Innanríkisráðuneytinu en gegndi áður starfi forstjóra Útlendingastofnunar. Hún situr einnig í stjórn Fjarskipta hf.

Loftur Bjarni Gíslason

Loftur Bjarni Gíslason kom inn í aðalstjórn Nýherja í mars 2014. Hann er útgerðarstjóri frystiskipa hjá HB Granda hf. Loftur Bjarni er með B.Sc gráðu í sjávarútvegsfræðum frá Háskólanum á Akureyri árið 2007.

Guðmundur Jóhann Jónsson

Guðmundur Jóhann Jónsson var varamaður í stjórn frá 1999-2015. Hann átti sæti í aðalstjórn frá 2005-2013. Hann var varamaður í stjórn frá 2014 en tók sæti í aðalstjórn að nýju árið 2016. Guðmundur, sem er forstjóri tryggingafélagsins Varðar, útskrifaðist sem viðskiptafræðingur frá Seattle University á árinu 1985 og lauk MBA prófi frá Edinborgarháskóla á árinu 2000. Hann hefur auk setu í stjórn Nýherja setið í stjórnum nokkurra annarra fyrirtækja.

Hjalti Þórarinsson

Hjalti Þórarinsson tók sæti sem varamaður í aðalstjórn Nýherja í mars 2017. Hann stundaði nám í rafmagns- og tölvuverkfræði í HÍ 1995-1998 og lauk MBA námi frá MIT í Bandaríkjunum. Hjalti átti þátt í stofnun hugbúnaðarhúsins Dímon 1998. Hann var árið 2013 skipaður sölustjóri Microsoft fyrir öll sölumál við Lenovo ThinkPad og ThinkServer, og þar leiddi hann hóp sölumanna. Hjalti leiðir nú viðskiptaþróun á sviði gervigreindar hjá Microsoft.