27.03.12

Framkvæmdastjórar Vörusviðs og Tæknisviðs

Gunnar Zoëga tekur við starfi framkvæmdastjóra Tæknisviðs Nýherja frá 1. apríl næstkomandi.

Gunnar hóf störf hjá TM Software árið 2003 og hefur síðan gegnt ýmsum störfum þar, hjá Skyggni og síðan hjá Nýherja, nú síðast sem deildarstjóri Umsjár. Gunnar lauk BS í viðskipta- og tölvunarfræði frá University of South Carolina og kerfisfræði frá Háskólanum í Reykjavík.

Linda B. Waage tekur við starfi Gunnars sem deildarstjóri Umsjár, en hún er nú hópstjóri þjónustumiðstöðvar Tæknisviðs.

Kristján G. Mathiesen tekur við starfi deildarstjóra rekstrarlausna, en hann hefur verið hópstjóri tækniþjónustu Tæknisviðs.

Þorvaldur Einarsson er deildarstjóri sérfræðilausna.

Þorsteinn Hallgrímsson er deildarstjóri þjónustustjórnunar.

Um Tæknisvið Nýherja:

Meðal þátta í starfsemi Tæknisviðs er Umsjá sem sinnir 24/7 notendaþjónustu, vettvangsþjónustu og fjarvöktun fyrir viðskiptavini Tæknisviðs. Meðal verkefna er uppsetning, viðhald og rekstur á miðlægum innviðum, net- og öryggislausnum, samskiptalausnum, prentlausnum, hljóð- og myndlausnum, IBM hugbúnaði og Microsoft lausnum. Tæknisvið ber ábyrgð á kerfissölum Nýherja og rekstri Kerfisveitu og Netveitu.

Þorvaldur tekur við starfi framkvæmdastjóra Vörusviðs

Þorvaldur Jacobsen, sem gegnt hefur starfi framkvæmdastjóra Tæknisviðs, tekur við starfi framkvæmdastjóra Vörusviðs Nýherja. Þorvaldur hefur starfað hjá Nýherja samstæðunni frá 2002, þar á meðal sem framkvæmdastjóri Kjarnalausna og Samskiptalausna Nýherja og sem framkvæmdastjóri Tæknisviðs Skyggnis. Þorvaldur er rafmagnsverkfræðingur frá Háskóla Íslands, með BS gráðu í tölvunarfræði frá sama skóla og meistaragráðu í verkfræði frá University of Texas í Austin.

Helgi Magnússon tekur við starfi deildarstjóra á miðlægum búnaði IBM. Undir þá deild heyrir vörustjórn fyrir alla IBM netþjóna, þ.e. IBM zSeries, IBM power og IBM xSeries, auk þess vörustjórn fyrir IBM gagnalausnir, svo og vörustjórn fyrir varaaflgjafa, kælikerfi og aðra innviði.

Um Vörusvið Nýherja:

Vörusvið annast þjónustu á tölvum og tengdum tæknibúnaði auk hljóð- og myndbúaðar og er ábyrgt fyrir markaðssetningu, sölu, innflutningi og viðhaldsþjónustu fyrir slíkan búnað. Undir Vörusvið heyra vörustjórar, innkaupadeild og dreifingamiðstöð auk verkstæðis.

Hjá Nýherja starfa um 270 manns en um 550 hjá Nýherjasamstæðunni.

Nýherji er umboðsaðili fyrir fjölmörg heimsþekkt vörumerki; IBM, Lenovo, Sony, Canon, APC og fleiri.

Rekstur og hýsingAlrekstur
Gunnar Zoëga framkvæmdastjóri Tæknisviðs.
Þorvaldur Jacobsen framkvæmdastjóri Vörusviðs.

<< Til baka

Fyrirspurn