Samfélagsstefna

Nýherjasamstæðan í samfélaginu

Nýherjasamstæðan leggur áherslu á stuðning við nýsköpun og framfarir í fyrirtækjum með þátttöku í eignarhaldi á Klak-Nýsköpunarmiðstöð atvinnulífsins, sem kemur að mótun, mati og útfærslu viðskiptahugmynda sem byggir á nýsköpun og upplýsingatækni. Jafnframt  leggur samstæðan áherslu á að brúa bil upplýsingatækni frá atvinnulífinu yfir til nemenda og skóla.

Klak hefur frá 2008 rekið Viðskiptasmiðjuna-Hraðbraut nýrra fyrirtækja og hafa um 60 frumkvöðlar nýtt sér þennan farveg til þess byggja upp sprotafyrirtæki til skemmri og lengri tíma. Frumkvöðlar og stjórnendur sprotafyrirtækja á ólíkum stigum hafa sótt þekkingu, ráðgjöf og tengslanet í Viðskitpasmiðjuna á þessum tíma. Fyrirtæki eins og Trackwell, Stjörnu-Oddi, Gavia og AGR eru dæmi um fyrirtæki sem eru komin á vaxtarstig og fyrirtæki eins og ReMake Electric, Gogoyoko, Clara, Belgingur og eru fyrirtæki í stöðugum rekstri.

Vakningarátak um örugga netnotkun

Hluti af samfélagslegri þátttöku Nýherjasamstæðunnar felst í því að miðla upplýsingum og efla fræðslu um þann búnað og lausnir sem félög þess bjóða. Jafnhliða aukinni áherslu á sölu tölvubúnaðar til einstaklinga og heimila hefur Nýherjasamstæðan unnið með SAFT (Samfélag, fjölskylda og tækni), sem er vakningarátak um örugga tækninotkun barna og unglinga á ýmsum sviðum. Nýherji studdi meðal annars samkeppni á vegum SAFT fyrir grunn- og framhaldsskóla um gerð jafningjafræðsluefnis, sem stuðla á að jákvæðri og öryggri netnotkun í upphafi ársins 2010.

Fyrstu verðlaun hlaut Hagaskóli fyrir þemaviku um jákvæða og örugga netnotkun og fékk Lenovo IdeaPad fartölvu að launum. Önnur verðlaun fengu nemendur í 9. og 10. bekk Grenivíkurskóla fyrir fréttablaðið Dúndur og hlutu Canon FS200 upptökuvél í verðlaun. Þriðju verðlaun fengu stúlkur úr 10. bekk EKH í Hagaskóla fyrir stuttmyndina Netfíkn og fengu þær 320 GB flakkara í verðlaun.

Tenging atvinnulífs og menntunar

Nýherji hefur átt samstarf við tölvunarfræðideild Háskólans í Reykjavík sem felst í því að færa þekkingu og reynslu í upplýsingatækni frá atvinnulífinu yfir til nemenda og auka áhuga og vitund um upplýsingatæknigreinar. Eitt birtingarfom þess samstarfs er árleg Forritunarkeppni framhaldsskólanna en markmið keppninnar er að efla og örva forritunaráhuga íslenskra ungmenna.

Um níutíu áhugasamir framhaldsskólanemar tóku þátt í keppninni í mars árið 2010 þar sem áhersla var lögð á að laða fram forritunarhæfileika þeirra og sköpunargáfu. Nýherji veitti vegleg verðlaun fyrir efstu sætin; myndavélar, minnislyklar og heyrnartól. Jafnhliða hefur Nýherji boðið nemendum við tölvunarfræði- og verkfræðideildir HR á fyrirlestra um sérhæfð umjöllunarefni í upplýsingatækni í samstarfi við IBM.

Góður rómur hefur verið gerður að slíkum fyrirlestrum og er stefnt að því að halda áfram á sömu braut; bjóða nemendum djúpa þekkingu á einstökum sérsviðum upplýsingatækni, með aðstoð erlendra samstarfsaðila.